Nga BoldNews.al
Bashkia e Beratit ka finalizuar tenderin për instalimin e kamerave në rrugët kryesore të qytetit. Megjithëse ligji përcakton qartë se sistemet e sigurisë duhet të jenë në shkolla, kopshtë, spitale, etj, Ervin Demo i Beratit e ka filluar nga rrugët dhe sheshet kryesore. Ai synon që të kontrollojë të gjithë qytetin vetëm në një zyrë, ky synon që qyteti i një mbi një dritareve të shndërrohet në një “Big Brother” të madh. Në dokumente janë përcaktuar qartë se ku do të instalohen këto kamera, ndërsa ajo që vihet re në këtë tender është se kryetari nga 4 firma pjesëmarrëse në tender ka s’kualifikuar 3 firma, duke ia dhënë tenderin ofertës më të lartë. Një guxim i tepruar i Demos, aq më tepër në këto kohë, kur SPAK-u është nëpër këmbë dhe jemi shumë larg zgjedhjeve parlamentare. Koha e ka treguar se Ramës s’i plas fare për njerëzit poshtë, pasi një rrëzohet dhe tjetri ngrihet. Një skemë e qartë, ku pozitat e Demos u lëkundën para zgjedhjeve të 14 majit, si pasojë e konfliktit të tij me zv.kryeministren Belinda Balluku për Drejtorinë e Ujësjellësit, që i ka kaluar Ministrisë së Infrastrukturës dhe Energjisë.
Megjithatë, duket se rikandidimi i Ervin Demos në zgjedhjet e fundit lokale, ka sjellë një vetëbesim të tepruar të tij. Aq më tepër që tenderët ia jep kujt të dojë. I tillë është edhe tenderi i instalimit të kamerave të sigurisë. Në një procedurë normale, fituesi duhet të ishte oferta më e ulët. Por jo për Demon, që kësaj herë ka “ngatërruar” ofertat. Tenderin ia ka dhënë firmës që ofroi më shumë! Por, i dashur Demo, kjo procedurë nuk ishte ankand. Bashkia e Beratit, vetëm me këtë tender ka humbur plot 100 mijë euro. Një shumë e konsiderueshme, për një bashki të vogël dhe pa të ardhura të mëdha.
Sipas dokumenteve që disponon BoldNews.al, në datën 25 korrik 2023, është shpallur fituesi i procedurës “F.V kamera sigurie në hapësirat publike të qytetit, rrugët dhe kryqëzimet kryesore”. Pra, nuk bëhet fjalë për institucionë të rëndësishme, por për rrugë dhe kryqëzime. Kamerat duhet të instalohen brenda 2 muajsh, ndërsa kriter fitues ishte oferta ekonomikisht më e favorshme, bazuar në çmim. “Me anë të këtij njoftimi ju informojmë se, në këtë procedurë kanë marrë pjesë ‘ALComm Solutions’ me ofertë 19.600.000 lekë. I.S.S ( INTEGRATED SMART SOLUTIONS) me ofertë 24.530.300 lekë, IMPACT me ofertë 14.895.660 lekë dhe ‘INVESTO GROUP’ me ofertë 22.580.000 lekë” thuhet në këtë dokument. Pra, oferta më e lartë ishte e firës I.S.S, me një diferencë prej 100 mijë eurosh nga më e ulëta. Por, këtu filloi edhe skema e famshme e institucioneve shtetërore, ku të gjitha skualifikohen dhe fiton ajo e paracaktuara.
BoldNews.al shfletoi dokumentet e këtij tenderi. Në dokumente thuhet se kërkohet “instalimi i kamerave në rrugët kryesore të qytetit, kryqëzime”. ‘Duhet të përqëndrohet te hapësira e rrugës duke identifikuar qartë lëvizjen e makinave, ientifikimin e tyre me kamera LPR (lexues targash) dhe patjetër drejtimin final të tyre” thuhet në këto dokumente. Më tej shkruajnë se përkatësisht në kryqëzim do të ketë të implementuar kamera LPR me lexime targash, e cila do të montohet në pozicion të përshtatshëm ku të identifikojë vetëm targën e makinës gjatë orëve të dirës por edhe gjatë natës.
“Duhet të instalohet një sistem me cilësi të lartë dhe i administrueshëm, që të funksionojë 24 orë nëd itë, 7 ditë në javë he 365 dtë të vitit. Projekti o të realizojë dhe mundësojë vjedhjet dhe dëmtimet në ambiente publike” shkruhet në dokumente. Më tej saktësohet se për çfarë i shërben Demos ky tender. “Detektimin e aktiviteteve të pa autorizuara. Parandalimin e praktikave” vijon dokumenti. Pra, të identifikojë se kushë shtë pro apo kundër Demos apo të tjerëve në atë rresh të vogël.
