Vrasja e 35 vjeçarit nga Korça, Erald Jonuzi, i njohur me nofkën “Zezaku”, vijon të jetë ende në sitën e hetimeve nga autoritetet greke, ndërsa detaje të reja kanë dalë në dritë.
Sipas mediave të huaja në vitin 2016, Jonuzi rezulton të jetë arrestuar për “vrasje të mbetur në tentativë” ndërkohë që në vitin 2020 ai rezulton t’i ketë shpëtuar një atentati me armë zjarri.
Policia greke po mbledh material nga kamerat e sigurisë për të mësuar itenerarin e lëvizjes së mjetit të vrasësve ndërkohë qe ka marrë në pyetje familjarë dhe komshinj të viktimës.
Jonuzi rezulton prind i një fëmije të mitur dhe policia po heton nëse vrasja ka lidhje me të shkuarën e tij. Ai po kthehej në banesë rreth orës 00.50 në rrugën “Viziniou 4” kur u qëllua për vdekje me 5 plumba. Ai u transportua drejt spitalit ku nuk arriti t’i mbijetojë plagëve.
