Kryetari demokrat, Sali Berisha, komentoi sot operacionin e SPAK, ku në pranga ra biznesmeni i afërt me Edi Ramën, Pëllumb Gjoka.
Berisha thotë se Gjoka është një nga banditët kryesorë, një njeri, i cili me ndihmën e Edi Ramës, ka grabitur rreth 100 mijë metra katrorë në Velipojë madje akuzohet edhe për vrasje.
Më tej, Berisha shprehet se Gjoka ishte shumë i afër me Ramën, njëjtë saç është me Damian Gjiknurin.
“Krahas shkarkimit të Damian Gjiknurit, numrit dy të PS, sot është njoftuar arrestimi i disa krerëve të botës së krimit shtetëror dhe të lidhur me shtetin.
Sot është arrestuar Pëllumb Gjoka, një nga banditët kryesorë, një njeri, i cili me ndihmën e Edi Ramës, ka grabitur rreth 100 mijë metra katrorë në Velipojë. Akuzohet edhe për vrasje njerëzish.
Pëllumb Gjoka ka një motel këtu, të cilit Edi Rama i ka dhënë apo donte t’i jepte pesë yje dhe kazino. Pëllumb Gjoka ishte po kaq i afërt me Edi Rramën sa Damian Gjiknuri”- tha Berisha.
