Një aksident i rëndë ka ndodhur në aksin rrugor “Korçë-Devoll” mëngjesin e sotëm.
Një automjet ka dalë nga rruga dhe ka hyrë mespërmes trafikndarëses. Shpejtësia ka qenë aq e madhe saqë mjeti thuajse është shkatërruar totalisht.
Mësohet se ka mbetur i plagosur drejtuesi i mjetit.
Ngjarja ndodhi rreth orës 09:10,pranë fshatit Çiflig.
“Më datë 25.07.2023, rreth orës 09:10, në aksin rrugor “Korçë-Devoll”, pranë fshatit Çiflig, Korçë, shtetasi O. P., duke drejtuar një automjet tip “Ford”, dyshohet se ka humbur kontrollin mbi drejtimin e tij dhe automjeti ka dalë nga rruga.
Për pasojë është dëmtuar drejtuesi i automjetit, i cili u transportua për mjekim në spitalin e Korçës.”– njofton policia.
Grupi hetimor po punon për përcaktimin e shkakut të aksidentit.
