Situata e zjarreve në Fier vijon të jetë shqetësuese. Sapo fiket një vatër zjarri, ndizet një tjetër krejt papritur ç’ka ka shtuar dyshimet e banorëve të zonës për zjarrvënie të qëllimshme.
Këta të fundit janë shprehur për mediat, se banorët i ndezin zjarret me qëllim që të hapin kullota të reja.
“Ishim në shtëpi, kur dolëm përpjashta, tym nga të katërta anët. I vënë me qëllim që të kullotin bagëtitë, të dalë bari i ri”, shprehet një banor.
Ndërsa disa të tjerë shprehen se flakët u kanë rrezikuar edhe banesat.
Zjarri ka përfshirë sipërfaqe të konsiderueshme me ullinj dhe ndodhet edhe pranë varrezave. Ndërkohë mëngjesin e kësaj të hëne në terren u angazhuan tre zjarrfikëse, për të normalizuar situatën.
