Aksidentet rrugore janë shtuar ndjeshëm ditët e fundit në vend, e disa prej tyre me pasoja fatale. Shkak i tyre bëhet shpejtësia tej normale të lejuara, konsumimi i pijeve alkoolike nga shoferët apo edhe mosrespektimi i rregullave të qarkullimit rrugor nga këmbësorët.
Një rast i ngjashëm ka ndodhur në një nga rrugët e Tiranës, ku siç mund të shihet edhe në videon e mëposhtme, një makinë ka përplasur një qytetare e cila po tentonte të kalonte rrugën, por jo në vija të bardha.
Për fat të mirë përplasja nuk ishte fatale, dhe këmbësorja është jashtë rrezikut për jetën. Ndërkohë Policia ka njoftuar së fundmi se do të gjobisë edhe të gjithë këmbësorët që shkelin rregullat e qarkullimit rrugor.
