Momente dramatike po përjetojnë edhe banorët e fshatit Malona në Rodos ku fronti i zjarrit është i madh.
Siç shihet edhe në videot e protothema.gr, banorët janë mbledhur në zonën ku ka nisur zjarri dhe po përpiqen në çdo mënyrë t’i kufizojnë ato në mënyrë që fronti të mos bëhet i pakontrollueshëm dhe akoma më shumë toka të digjen dhe të shkatërrohen prona.
Burra dhe gra po transportojnë ujë me automjetet e tyre dhe në të njëjtën kohë presin pemë për të kontribuar në punën për kufizimin e përhapjes së zjarrit.
Evakuimi i dy fshatrave të tjerë të Rodosit, Malonas dhe Massaris, u njoftua më herët nga Ministria e Krizave Klimatike dhe Mbrojtjes Civile, duke qenë se në afërsi të dy fshatrave ka rigjallërim të një fronti zjarri.
