Familja Çali dhe Gjyla kanë hapur ditën e sotme dyert e mortit, për të përcjellë në banesën e fundit 33-vjeçarin Denis Çali, dhe 26-vjeçarin Brusild Gjyla, të cilët humbën jetën në aksident mesnatën e shkuar në fshatin Fortuzaj të Tiranës.
Dy të rinjtë po udhëtonin me makinë, teksa në rrethana të paqarta përfunduan jashtë rruge duke rënë në humnerë, dhe humbën jetën të dy.
Ndërkohë, një mik i 33-vjeçarit Çali, ka bërë dedikim prekës, teksa tregon se kishte biseduar me të mbrëmjen e shkuar.
“E mër vëllai si ike tamam pabesisht, s’ia merrte mendja kujt se një rob si ti do ikte në moshë kaq të re. Nuk mbaj mend të të kem pa një herë të mërzitur, në kaq kohë sa të njoha. Jo më gjatë se mbrëmë folëm e ishe duke qeshur, siç ke qenë përherë, po të paska pas dashur Zoti afër vetes. Akoma se besoj këtë gjë… Të qoftë dheu i lehtë, inshallah, e qofsh i Xhenetit! Ngushëllime familjes, zor se do ketë DY si ti o Denis Çali”, shkruan miku i tij në një postim në rrjetet sociale.
