Kreu i zjarrfikësve të Gramshit, Ilir Llapushi, ka zbardhur dinamikën e tragjedisë në liqenin e Banjës, ku pasditen e djeshme u mbytën 4 anëtarë të së njëjtës familje: Arben Zogu 46 vjeç dhe dy djemtë e tij, Ruben dhe Esti Zogu dhe nipi i 46-vjeçarit, Melsi Zogu 20-vjeç.
Sipas tij, 4 viktimat janë futur për t’u larë dhe pasi është mbyturi pari, në përpjekje për të shpëtuar njëri-tjetrin janë mbytur të katërt. Ai thotë se në liqen janë bërë dhe disa gropa për shkak të punimve për ndërtimin e HEC-it të Banjës.
Ilir Llapushi u bën apel qytetarëve se liqeni është i thellë dhe kush nuk di not të mos futet për t’u larë.
Drejtori i Zjarrëfikësave Gramsh: Ngjarja është shumë e rëndë. Babai me gjithë dy djemtë e tij erdhën për t’u larë këtu. Kanë tërhequr njëri-tjetrin, është mbytur i pari, ka vajtur për ta ndihmuar i dyti, e kështu me radhë. Të tre të rinjtë nuk kanë ditur not. Edhe i katërti nuk ka ditur not dhe kanë mbytur njëri-tjetrin.
Këtu fatkeqësisht ka pasur disa gropa që janë bërë në kohën e ndërtimit të HEC-it të Banjës, kanë marrë dhe, e ato gropa janë të menjëhershme, këputen menjëherë dhe ata kur janë futur për t’u larë nuk e kanë ditur dhe kështu kanë tërhequr njëri-tjetrin, duke dashur ta ndihmojnë njëri-tjetrin por nuk kanë arritur dot ta bëjnë.
Liqeni nuk është për të vënë tabela informuese, liqeni është i gjithi i thellë dhe kjo gjë dihet dhe këtu nuk duhet të hyjnë njerëzit që nuk dinë not. Ata kanë hyrë dhe fatkeqësisht nuk kanë ditur not. Ne si shërbim zjarrëfikës atrullojmë çdo ditë, edhe dje këtu në këtë vend kemi qenë deri në darkë vonë, se kemi një gomone me të cilën patrullojmë vazhdimisht dhe bëjmë mësime treguese dhe fatkeqësisht sot nuk erdhëm, jo se do t’i shpëtonim, por qëlloi shumë keq për ta dhe familjet e tyre.
Nuk është problemi për të vënë roje, pasi nuk është plazh këtu që të ketë njeri, këtu nuk lahet njeri fare, thjesht ata kanë kanë ardhur, ose për peshk apo ku di unë. Janë larë në një vend ku nuk lahet njeri. Një mesazh për të gjithë: Një njeri që nuk di not nuk duhet të futet në ujë, sidomos nëpër liqene, pasi liqenet janë shumë të rrezikshëm. Absolutisht jo.
