Një sherr që ka degraduar në përplasje fizike ka ndodhur një ditë më parë në Tiranë, në Zall Bastar.
Dy kushërinj, përkatësisht të moshave 46 dhe 55 vjeç, jane konfliktuar me njëri tjetrin, e si pasojë 46-vjeçari me inicialet A.V, ka goditur me grushte dhe dorezë metalike kushëririn e tij, 55-vjeçarin me inicialet B.V.
46-vjeçari është vënë në pranga, ndërsa vijojnë hetimet për zbardhjen e plotë të rastit.
Njoftimi i Policisë: Tiranë-Specialistët për Hetimin e Krimeve të Komisariatit të Policisë Nr. 4 arrestuan shtetasin:
– A. V., 46 vjeç, banues në Zall Bastar, pasi ditën e djeshme, gjatë një konflikti për motive të dobëta, ka goditur me grushte dhe me dorezë metalike, kushëririn e tij, shtetasin B. V., 55 vjeç, banues në Zall Bastar.
