Autori i vrasjes së Shpëtim Bajramit ka dalë ditën e sotme para gjykatës. Në pamjet e publikuara nga mediat e huaja 45-vjeçari shihet i veshur me antiplumb. Ndaj tij është ngritur akuza për vrasje dhe armëmbajtje pa leje, ndërsa pritet që të jepet masa e sigurisë.
Lidhur me ngjarjen:
Vrasja e Shpëtim Bajramit ndodhi mesditën e së enjtes (13 korrik), në afërsi të një karburanti në Selanik. Viktima dhe 45-vjeçari, me precedentë penalë, njiheshin me njëri-tjetrin dhe ishin ulur së bashku në një lokal pak para krimit. Ata janë konfliktuar në lokal dhe më pas janë larguar me makinat e tyre.
Sapo 50-vjeçari ka ndaluar makinën në pikën e karburantit, autori e ka ndjekur me automjetin e zi që drejtonte dhe është ndalur djathtas pranë tij, pa dalë jashtë.
Dy burrat filluan të debatonin dhe viktima iu afrua vrasësit të tij.
Shpëtim Bajrami e goditi me një send që mbante në dorë autorin nga dritarja e pasagjerit dhe ky i fundit iu përgjigj duke e qëlluar me armë për vdekje.
Dyshohet se shkak i ngjarjes janë prishja e pazareve të drogës mes tyre.
Ndërkohë autori ka pretenduar se ka marrë kërcënime serioze për jetën nga viktima.
