Taulant Balla është betuar si ministër i Brendshëm në ambientet e Presidencës këtë të shtunë.
Kryeministri Edi Rama njoftoi emërimin e Taulant Ballës si ministër i Brendshëm dhe shkarkimin e Bledi Çuçit pasditen e një jave më parë. Të Hënën e 10 Korrikut, Presidenca njoftoi depozitimin e dekreteve të shkarkimit dhe emërimit në këtë institucion nga Kryeministria. Brenda së njëjtës ditë, kreu i shtetit Bajram Begaj firmosi ndryshimet.
Balla zëvendëson në postimin e ministrit të Brendshëm Bedi Çuçin, i cili u shkarkua pas publikimit të pamjeve, ku djali, dy vëllezërit dhe të afërm të deputetit të dorëhequr të PS-së Rahman Rraja dhunuan në mënyrë shtazore dy kushërinjtë Maja.
Këta të fundit kishin denoncuar në polici më herët se gurorja në pronësi të një prej anëtarëve të fisit Rraja u kishte shkaktuar dëme në banesa për shkak të përdorimit të eksplozivit gjatë procesit të punës së biznesit.
