Kreu i Partisë Republikane, Fatmir Mediu nga foltorja e Kuvendit deklaroi se në pikën e rendit të ditës për mocionin për gjenocidin serb duhet të futet dhe çështja për lirimin e ish-krerëve të UÇK-së. Ai tha se duhet të jemi të ndarë, me Kosovën, apo me Serbinë.
“Kush harron historinë, është i detyruar që ta përsëris atë. Për fatin e keq, apo të mirë, një pjesë e juaja se ka njohur. Ky Kuvend jo vetëm që duhet të flasë për gjenocidin, por të shtojë dhe një pikë, lirimin e menjëhershëm të ish-krerëve të UÇK. Kam pasur nderin që i kam njohur personalisht, Thaçin, Veselin, Rexhep Selimin. Ne nuk mund të jemi në krah të UÇK-së dhe në krah tjetër partner me Vuçiç. Sot kombi shqiptar ka 2 kundërshtarë, Vuçiçin dhe regjimin e tij, Putinin dhe regjimin e tij.
Ku do jemi ne? Do të jem kudo, jo për tribunë për të marrë kredo, por kudo që flitet për lirinë. Do të jem ku të jetë Kosova. Duhet të jemi të qartë. S’të pyes ty Taulant Balla, do të jem kudo që të jetë Kosova. S’të marr leje ty. Ti Taulant as e di ku është Kosova”, tha ai.
Ndërkohë, i menjëhershëm ishte reagimi i Ballës i cila tha: “E kam ruajtur por se mbaj dot më. Meqë ju bëra një kronologji të asaj që keni bërë për të dëmtuar Kosovën.
Vetëm 28 ditë pas shpalljes së pavarësisë së Kosovës, të dy bashkë hodhët në erë Gërdecin”.
