Kryetari i Grupit Parlamentar të Parisë Demokratike, Gazment Bardhi i ka kërkuar kreut të Kuvendit Niko Peleshi që të respektojë rregulloren e Kuvendit.
Bardhi theksoi se autoriteti i numrit dy të shtetit nuk mund të kalojë në këmbët e kreut të grupit të PS, Taulant Balla.
Bardhi tha me ironi se nuk kanë nevojë të lexojnë letra bakalli që vijnë nga Balla pasi kanë lexuar mjaftueshëm përgjime në SkyECC.
“Ju merrni propozime, i konsideroni si urdhër nga kryetarit të Kuvendit dhe nuk dëgjoni nëse është apo jo në përputhje me rregulloren. Nuk kemi nevojë të lexojmë letra bakalli që na vijnë nga Balla, kemi lexuar mjaftueshëm përgjime në SkyECC. Në rregullore caktohet që ndërsa dëgjohen 10 minuta pro dhe 10 kundër kalohet në votim.
A mund të ngrihet të thotë nesër s’ka Kuvend fare, por Kuvendi nuk kthehet dot në listë dëshirash të Ballës. Ose bëni detyrën ose lëshoni karrigen, jepjani zotërisë sepse nuk e çoni autoritetin tuaj dot si numri dy i shtetit në këmbët e Taulant Ballës”, tha ai.
