Nga Boldnews.al
Në fund të shtatorit 2012, Arben Ahmetaj, deputet i opozitës në atë kohë, i shkruan mikut të tij, Mirel (Klodian) Mërtiri: “Je i madh Klod, do të ecësh në jetë!
E parë 10 vjet më pas, kjo “profeci” e Arben Ahmetaj u përmbush më së miri. Mirel Mërtiri u bë vërtetë “i madh”, madje konsiderohet edhe si “bosi i inceneratorëve”, nëpërmjet kontrata qindra milionë euro.
Por, natyrisht, në “rritjen e madhësisë” së Klodin (Mirel) Mërtirit, ka dhënë një dorë shumë të madhe vetë “profeti”, njeriu që bëri “profecinë”, Arben Ahmetaj.
Vetëm pak muaj pas atij komunikimi me mesazhe, Edi Rama dhe Rilindja e tij fituan pushtetin politik.
Arben Ahmetaj, për vite me radhë, mbajti poste të rëndësishme, duke nisur nga Ministër i Zhvillimit Ekonomik dhe Sipërmarrjes, Ministër i Financave dhe zv.kryeministër.
Në të gjitha këto pozicione ai ka pasur rol të dorës së parë në hartimin e procedurave koncesionare për impiantet e përpunimit të mbetjeve në Elbasan, Fier dhe Tiranë.
Në të tre këto koncesione, siç zbulohet qartësisht nga hetimi i Prokurorisë së Posaçme, SPAK, Ahmetaj ka dhënë kontributin e tij që të fitoheshin nga Mirel Mërtiri dhe njerëzit e tij më të afërt, Klodian Zoto dhe Mirel Mërtiri.
Në vitin 2014, kompania “Albtek Energy” fitoi kontratën koncesionare për landfillin dhe inceneratorin e Elbasanit. Kompania është në pronësi të Stela Gugalljas, bashkëjetuese e Mirel Mërtirit. Hetimet e mëparshme të SPAK-ut për aferën e Elbasanit e konsideruan Mërtirin si “pronarin faktit” të shoqërisë koncesionare.
Në vitin 2016, kompania “Integrated Technology Ëaste Treatment Fier” siguroi kontratën koncesionare për landfillin dhe inceneratorin e Fierit. Kompania koncesionare zotërohet nga Klodian Zoto, bashkëpunëtor shumë i ngushtë i Mirel Mërtirit.
Në vitin 2017, kompania “Integrated Energy bv” fitoi kontratën 128 milionë euro për landfillin dhe inceneratorin e Tiranës. Hetimet e SPAK-ut zbuluan se zyrtarë të rëndësishëm qeveritare komunikonin me Klodian Zoton dhe Mirel Mërtirin në momentet që diskutoheshin dokumentat paraprake për procedurën koncesionare.
Pra, “profecia” e Arben Ahmetaj se Klodian (Mirel) Mërtiri do të ecte në jetë, u përmbush tërësisht.
Cila ishte profecia?
Në vijim janë bisedat ndërmjet Arben Ahmetaj dhe Klodian (Mirel) Mërtiri në 25 shtator 2012.
Data 25.09.2012
Ora 07.10: Klodian (Mirel) Mërtiri: Do e pijmë atë kafen?
Ora 07.13: Arben Ahmetaj: Pas komisionit, nëse është OK fratello?
Ora 07.13: Mirel Mërtiri: Ti e vendos, po të pres.
Ora 07.14: Arben Ahmetaj: Ok, rrofsh!
Ora 07.12: Mirel Mërtiri: Thank You!
Ora 08.53: Arben Ahmetaj: Hajde në 11 e gjysëm tek SKY
Ora 08.53: Mirel Mërtiri: Ok
Ora 12.42: Mirel Mërtiri: Ku do të jesh pas një ore?
Ora 18.37: Mirel Mërtiri: Ça bëhet mo?
Ora 18.38: Arben Ahmetaj: Në zyrë, për 10 minuta mbaroj. Je i madh Klod, do ecësh në jetë!
Ora 18.39: Mirel Mërtiri: Thank You, sir! Takohemi nesër a si do e lëmë?
