Një familjeje me 4 pjesëtarë, mes tyre 2 fëmijë të mitur, ka rrezikuar të mbytet në det, ditën e sotme, pasi mjeti me të cilin po lundronin ka pësuar defekt.
Ata po lundronin për qëllime argëtimi në gjirin e Durrësit në momentin kur mjeti u pësoi defekt. Ndërhyrja e policisë kufitare bëri që ata të nxirreshin në breg në gjendje të mirë shëndetësore. Gjithashtu, mjeti lundrues që kishte pësuar defektin, u nxorr në breg duke u tërhequr nga mjeti lundrues i Policisë Kufitare.
Gjithashtu, dhe një shtetas tjetër kishte mbetur i bllokuar në det, në zonën e quajtur “Bovat”, për shkak se mjeti lundrues Jet Ski që drejtonte, kishte pësuar defekt në motor. Mbërritja e Policisë Kufitare, në zonën e sinjalizuar, si dhe ofrimi i ndihmës, bënë të mundur që drejtuesi i mjetit lundrues Jet Ski, shtetasi S. I., të nxirrej në breg, në gjendje të mirë shëndetësore. Gjithashtu, u tërhoq drejt bregut, mjeti lundrues që kishte pësuar defektin.
