Kuvendi është përfshirë nga debatet pas kërkesës së opozitës për të futur në rend të ditës kërkesën e SPAK për dhënien e autorizimit për arrestimin e ish-zv.kryeministrit Arben Ahmetaj.
Maxhoranca nuk e ka pranuar kërkesën duke thënë se duhet të respektohet rregullorja e Kuvendit, dhe kërkesa do të diskutohet në seancën e të hënës. Kjo ka sjellë reagime të ashpra nga opozita.
Deputetët e PD-së bllokuan foltoren duke mos lënë të vijohet me rendin e ditës, ndërsa kryetari i grupit parlamentar të PS-së, Taulant Balla kërkoi 5 minuta pushim deri në qetësimin e situatës.
