Deputeti i PD, Saimir Korreshi në një intervistë për Panorama TV ka komentuar kërkesën e SPAK për heqjen e mandatit të ish-zv.kryeministrit Arben Ahmetajt, ku tha se shtyrja e mbledhjes dhe marrjes së vendimit nga Parlamenti të shton dyshimet se po i jepet kohë për t’u arratisur.
Korreshi tha se SPAK ka prova të mjaftueshme për të nisur hetimin ndaj Ahmetajt dhe se në dosjen nuk është i vetmi emër pasi të përfshirë në këtë aferë tha ai është një lumë kryebashkiakës.
A do të merret sot vendimi për heqjen e imuniteti?
Besoj se po, nëse nuk ka shkalluar e gjithë qeveria pasi dhe kalimi nga dje sot të lind idenë për gjër të errëta, që ish-zv.kryeministri të çajë ferrën. Nuk ka logjikë që të shtyhet mbledhja kur dosja është aty, mbrojtja është pa tagër dhe pa prokurë. Ne si opozitë kemi kërkuar që mbledhja të jetë e hapur, pasi dihet se për çfarë flitet në dosje dhe ka një ndjeshmëri, pasi kemi të bëjmë me hajdutëri dhe vjedhjen e taksave të shqiptarëve. Por nuk u mor në konsideratë, ne kërkuam pasi mbrojtja ishte në dijeni të dosjes. Nuk jemi gjykatës ne që bazohemi në provë. Mandati nuk hiqet vetëm në rastet e diskriminimit, por një dosje prej 300 faqe nuk lë një mendim ndryshe. Sot nuk besoj se do kemi surpriza përveç rendit të ditës, kohëzgjatja na bind se po bëhet që ti jepet kohë Ahmetajt për tu larguar nga vendi.
Keni dijeni për emrat ‘Vip’ që janë në dosje?
Një ndër emrat ju e dini që tha Bardhi, ka emra deputetësh dhe një lumë emrash kryebashkiakësh. Nga hetimet mund të ndryshojë dhe akuza, por aty është një lum emrash, grup i strukturuar kriminal ndaj dhe kambanat po bien pragut për të dëgjuar dera.
A mendojë se do të vazhdojë hetimi i SPAK dhe në nivele të tjera drejtuese?
Një mori emrash ishin që të lënë pa fjalë, përtej inceneneratorëve. Nga dokumentet duket se ka një lidhje të frikshme mes organeve shtetërore dhe jo shtetërore.
