Barazim me shije humbje për Partizanin në ndeshjen e parë të Champions League. Humbi shumë por rrezikoi gjithashtu shumë skuadra e Zoran Zekic në debutimin e kroatit.
Nuk shkoi me shumë se barazimi ekipi i kuq që tregoi karakter dhe shport gare duke mos u demoralizuar pas disavantazhit në minutën e 57.
U luajt në Tiranë një ndeshje që reflektoi ende mungesën e përgatitjes fizike dhe kjo u pa në 15 minutat e para ku BATE Borisov rrezikoi të shënonte menjëherë jo një por disa gola.
Gjithsesi Partizani e mori veten dhe më pas krijoi shumë raste të pastrja duke dhënë sinjale interesante me treshen e sulmit dhe mbështetësit Murataj e Rrapaj nga mesfusha.
Pjesa e parë me shumë emocione por pa gola ndëraa në të dytën skuadrat u bënë më cinike. Të kuqtë pretenduan për penallti por në krahun tjetër BATE gjeti avantazhin.
Gjithsesi kampionët e Shqipërisë nuk e humbën busullën dhe pas disa tentativave barazuan me Tedi Carën që deri më atë pikë të ndeshjes ishte shfaqur në hije.
Bjellorusët tërësisht të painteresuar për të sulmuar u mbyllën në gjysmëfushën e tyre ndërsa Zekic hodhi në fushë Eros Grezdën dhe Mensah për të shtuar forcat në sulm.
Nuk ndryshoi asgjë më fatet e ndeshjes dhe tashmë skuadrat duhet të luajnë sfidën e kthimit pas një jave në Hungari për të caktuar ekipin që do të kualifikohet në turin e dytë.
