Detaje të reja kanë dalë në dritë nga vrasja e 27-vjeçarit shqiptar, Kastriot Ismailaj, në Itali.
Janë arrestuar 3 nga të dyshuarit kryesorë mbi ngjarjen, shtetasit Giovanni Pasqualino Di Benedetto, 27 vjeç; Antonino Castelli, 33 vjeç dhe Pasqualino Ranno, 29 vjeç.
Ngjarja ndodhi në Nesima të Katanias më datë 7 qershor 2023, ku 27-vjeçar shqiptar u qëllua me plumb në kokë nga një shtetas italian, Giovanni Di Benedetto, i cili plagosi edhe një italian 43-vjeçar në shtëpinë e shqiptarit.
Sipas mediave të huaja, Ismalaj u dërgua me urgjencë për në spitalin e Garibaldi Centro, por nuk mundi t’i mbijetonte plagëve të marra. Shkak për vrasjen dyshohet të jetë bërë godina ku jetonte shqiptari, e cila ishte në pronësi të një gruaje që kishte ndërruar jetë.
Pritet që nga marrja në pyetje e 27-vjeçarit Benedetto, të mësohen më shumë të dhëna për ngjarjen e ndodhur.
