Deputetja britanike, Alicia Kearns, e cila një ditë më parë u kërcënua me hetime nga presidenti i Serbisë, Aleksandar Vuçiç, pas deklaratave të saj se Serbia po kontrabandon armë me autoambulanca drejt kishave ortodokse në Kosovë, ka bërë një reagim në rrjetin social Twitter.
“E vërteta është e padiskutueshme, e keqja mund ta sulmojë atë, injoranca mund ta përqeshë atë, por në fund, ja ku është”, ka shkruar ajo.
Ambasadori i Kosovës në Londër, Ilir Kapiti, në një postim në Twitter ka shkruar se Aleksandar Vuçiç, është i njohur për aftësitë e tij dinake për orkestrimin e skemave komplekse.
