Nga Boldnews.al
Bosi i madh është deputet, Rrahman Rraja quhet, tre mandate rresht për Partinë Socialiste. Kurrë si është ndjerë zëri as në foltoren e kuvendit, as në komisionet ligjore, por për Ramën, Rraja i tij është thesar i çmuar që mbush thasët me vota. Ai deputet, por djali, vëllezërit, nipërit dhe farefisi janë nën akuzë për vrasje, trafik ndërkombëtar të lëndëve narkotike, rrahje të rëndë, turtura, kërcënime dhe shkatërrim prone.
Rasti më i fundit që mban markën e njohur “Rilindja&Rraja” u regjistrua dje në fshatin Borizanë të Fushë-Krujës. Një luguni prej dhjetë dhunuesish masakruan me shkopa bejzbolli dhe qyta pistolete dy kushërinjtë Bilbil dhe Jashar Maja, të cilët ishin ankuar se dinamiti që përdorëj për guroren e Rrajave po u shkatërronte banesat. Tmerr që as në Meksikën e bandave nuk ndodh, kur vetë filmuan rrahjen brutale dhe më pas e shëtisnin videon si një film të frikshëm, i cili shërbente me mesazhin e qartë që të mos goxonte kush t’i kundërshtojë se ata, sepse Rrajat e Niklës të dërgojnë në dy drejtime; o në spital, o në varr.
Bilbil Maja është ende në gjendje të rëndë shëndetësore, duke luftuar me jetën i dërmuar nga dhuna shtazarake e këtyre njërëzve të pushtetshëm. Po çfarë na mësoi ne si shoqëri ky krim? E para nxorri zbuluar Policinë e Shtetit, uniforma e të cilëve u vu në shërbim të këtyre banditëve. Ditën e djeshme vetë policia si “trasparente e madhe”, njoftoi se veç të tjerëve kishte shoqëruar në komisariat për ta marrë në pyetje Xhelal dhe Flamur Rrajën, vëllezërit e deputetit, ndërsa sot deklaruan se pasi kanë parë videot e dhunës i kanë shpallur në kërkim. Po si mund të lirohet një person me armë në duar dhe ku prova më e madhe ishin dy kushërinjtë e masakruar, njëri prej të cilëve vijon të jëtë në zgrip të humbjes së jetës?
Trekëndëshi i frikshëm pushtet-krim-biznes dhunon dy kushërinj që ditë më parë duke besuar tek Policia e Shtetit ishin akuar se eksplozivi që përdorej në shkërmoqjen e shkëmbinjve për guroren e Rrajave ishte aq i fuqsishëm sa u kishte dëmtuar banesat. Po policia çfarë bëri? Së pari duket se ka njoftuar Rrajat se ca dobiçër i kishin denoncuar dhe ta ulnin pak sasinë e dinamitit. Dhe e dyta për turpin e tyre dhe në shkelje të plotë të ligjit pasi i shoqërojnë në polici as më shumë se një orë i lenë të lirë dhe kur video e dhunës, e xhiruar nga vetë dhunuesit u shpërnda në rrjetet sociale reaguan se i kishin shpallur në kërkim. Ende më e nderë është gjendja teksa Komisariati i Fushë-Krujës së fundmi ka kaluar si pjesë e Drejtorisë së Policisë Tiranë.
Po flasim për policinë… dhe do guxonte ndokush prej tyre të rraste Rrajat në birucë? Nuk është e largët koha kur nënkomisar Emiliano Nuhu denocoi në vitin 2018 se ishte kërcënuer me jetë që të mos kallëzonte në prokurori Rexhep Rrajën, djalin e deputetit Rrahman Rraja, i akuzuar për turturë dhe pengmarrje të të dashurës së tij Xhisiela Maloku. Për këtë rast Nuhu u shpreh se vetë deputeti Rraja, i shoqëruar nga vëllai i tij edhe nga kreu i Grupit Parlamentar të PS-së Taulant Balla e kishin kërcënuar në zyrë. Nënkomisar Nuhu iku dhe mori azil politik në një vend të Europës të cilët nuk hezituan aspak t’i jepnin këtë status kur mësuan se deri kryeministri i këtij vendi ku Nuhu shërbente në polici, e kërcënoi se ishte mashtrues dhe horr. “Unë kam parë kamerat”-ulërinte Rama në media, teksa betohej se kishte vëzhguar kamerat e komisariatit dhe nuk kishte dalluar as Rrajën e tij të dashur dhe as Ballën, në atë kohë akoma më shumë të dashur.
Kjo është Rilindja e Ramës që zonën e Fushë-Krujës që e ka lënë në dorën e ligjvenësit Rrahman dhe xhelatëve të gjakut të tij që lajnë në gjak banorët e zonës më të pambrojturit nga policia e pushtetit dhe pushteti i policisë në shërbim të krimit. Vetë lideri i madh Edi Rama është ca i zënë në zgjidhjen e problemeve ballkanike dhe sheh edhe për më larg, duke ofruar “paqe nëpër botë” nuk e sheh dhunën e njerëzve të tij. Atyre që u ka varur në qafë çelësin e kasaforëtës së “biznes-krimit”. Do ketë edhe më keq se kaq, të rrahin e stë lenë të qash, të bëjnë për spital e të marrin edhe lekët e kurimit, pasi spitali shtetëror nuk ta ofron shërbimin e duhur. Rasti e tregon se i dhunuari rëndë po trajtohet në një spital privat, pasi dëmtimet janë shumë të mëdha. Rrahja është falas…, shëndëtësia jo!
Nuk më më çudi, Rama mund të dalë sërish dhe të thotë: “Unë kam parë kamerat dhe filmimet e vetë Rrajave…”! Kushedi se çndodh me këtë polici dhe drejtësi. Ajo dhunë çnjerëzore mund të përbyset dhe të quhet si “xhirime të një filmi aksion” me skenar një deputet, regjisor një “lider të madh” kinemetografiko-propagandistik dhe aktorë grupin e njohur Rraja…!
