Gurorja e cila u bë shkak për dhunimin barbar të dy kushërinjve në Krujë nga fisi Rraja, ndodhet rreth 100 metra larg nga banesa e të plagosurve, Jashar dhe Bilbil Maja.
Shpërthimet prej kohësh kanë shqetësuar banorët e fshatit Borizanë, të cilët janë ankuar dhe kanë denoncuar administratorët e kësaj guroreje.
Ata thonë se nga shpërthimet e minave janë shkaktuar plasaritje tek banesat.
Kjo video është bërë në afërsi të banesave të kushërinjve Maja, teksa shihet dhe dëgjohet një nga shpërthimet, gjatë punës në gurore.
Nisur nga situata, nga të dëmtuarit është bërë një denoncim në polici lidhur me veprimtarinë e gurores. Kjo ka sjellë hakmarrjen e Rrajave, që kanë dhunuar në mënyrë shtazore dy kushërinjtë Maja në një lokal një ditë më parë.
Policia arrestoi 4 persona dhe shpalli në kërkim 3 të tjerë për rrahjen brutale që iu bë dy kushërinjve Bilbil dhe Jashar Maja.
Kushërinjtë Maja hodhën akuza ndaj bluve, duke deklaruar se policia veproi me vonesë për shkak të frikës që kanë nga fisi Rraja.
Lexo edhe:
