Është arrestuar në Londër personi i fundit i shpallur në kërkim për vrasjen e biznesmenit Ardian Nikulaj. Mësohet se në pranga është shtetasi Harry Simson, i cili është kapur nga policia mbrëmjen e të enjtes dhe ditëjnh e sotme do të dalë para gjykatës për t’u njohur me masën e sigurisë.
Ardian Nikulaj u ekzekutua më 19 prill në biznesin e tij në Shëngjin. Simson kishte rolin e vëzhguesit, dhe këtë gjë e bënte teksa qëndronte si turist te hoteli i Nikulajt në Shëngjin. Ai furnizonte me informacion vrasësin portugezi Ruben Saravia.
Ai mbërriti në Shqipëri në datën 11 prill dhe çdo ditë shtynte qëndrimin duke paguar dhomën deri në 19 prill, ditën kur u krye vrasja. Harry James Simpson shihet nga kamerat e sigurisë teksa konsumon birra në hotel dhe luan bilardo, shpesh ai flet në telefon, dyshohet duke informuar vrasësin Ruben Saraiva për lëvizjet e Nikulajt.
Ditë e vrasjes, Simpson u largua me urgjencë nga Shëngjini dhe mbërriti në Rinas përmes dy taksive. Sipas dosjes hetimore rrugës ai ndërroi rrobat dhe tentoi të kalonte kontrollin policor të kufirit në Rinas pa treguar pasaportën.
Me arrestimin e Simpson kompletohet kapja e grupit të dyshuar si vënës në jetë të planit për ekzekutimin e biznesmenit të njohur nga Shëngjini. Porositës dhe organizator i vrasjes dyshohet se është, Edmond Haxhia. Përveç vrasësit dhe porositës, po ashtu janë arrestuar edhe 3 shtetas të tjerë angelzë në rolin e vëzhguesit.
Duke iu referuar prokurorisë angleze CPS, Harry James Simpson, banues në Abbey Wood në Jug të Londrës, ka precedentë penal dhe dënime në të shkuarën.
Në Shkurt të vitit 2015, Simpson, është arrestuar për shitje kokaine më një pastërti prej 89% dhe shitje kanabisi me vlerë 40.000 sterlina. Atëherë 24 vjeç, Simpson po udhëtonte me një makinë tip BMË kur u ndalua dhe u kontrollua nga policia. Ai u dënua me 5 vite burg.
