Kryeministri Edi Rama nisi ditën e sotme turin ballkanik, ku do të vizitojë Prishtinën, Beogradin, Shkupin, Sarajavën dhe Podgoricën për të diskutuar për Ballkanin e Hapur dhe Procesin e Berlinit.
Por, ajo që vihet re nga fotot e mbërritjes së tij në Shkup është se kreu i qeverisë shqiptare shoqërohet vetëm nga ministri i Mbrotjes, Niko Peleshi dhe Kryenegociatorja për integrimin në BE dhe ministre e Shtetit pranë Kryeministrit, Majlinda Dhuka, ndërsa ministrja e Jashtme, Olta Xhaçka është lënë në Tiranë.
Nuk dihet arsyet pse Olta Xhaçka nuk është pjesë e delegacionit nga Shqipëria, duke qenë se mban një post të rëndësishëm në lidhje me diskutimet për Procesin e Berlinit dhe Ballkanin e Hapur.
Ndoshta janë të vërteta fjalët që përfliten prej kohësh në korridoret e Kryeministrisë se Edi Rama e ka gati shkarkimin e saj, lidhur me skandalet e shumta ku është përfshirë dhe opozita kërkon heqjen e mandatin të saj, pas shpalljes së bashkëshortit Artan Gaçi “investitor strategjik” për ndërtimin e një resorti në Himarë me firmën e kryeministrit Edi Rama.
Por, jo vetëm kaq, por edhe për të justifikuar skandalin me largimin e Ambasadores Yuri Kim dhe emërimin e motrës së Nuredin Dumanit në zyrën e NATO; por sidomos, për faktin që pazaret Xhaçkës me Amant Josifin, që u bënë shkak të zbulohej përfshirja e Olsi Ramës në rrjetin mafioz Call-Center. Po ashtu flitet se dhe në aspektin partiak, Olta Xhaçka konsiderohert si zero tashmë nga Rama.
