Kryeministri Edi Rama do të nisë sot turin Ballkanik, dhe do të zhvillojë takime në Beograd, Sarajevë, Prishtinë, Shkup e Podgoricë.
Rama e nis turin me Maqedoninë e Veriut dhe më pas do të shkojë në Kosovë, ku edhe do të kalojë natën. Të premten do të udhëtojë për në Mal të Zi, Serbi dhe Sarajevë.
Pasi u refuzua nga Albin Kurti, kryeministri Edi Rama do të pritet nga presidentja Vjosa Osmani dhe kryetari i Kuvendit të Kosovës, Glauk Konjufca. Presidenca e Kosovës ka njoftuar se takimi zhvillohet nga ora 16:00. Kreu i qeverisë do të zhvillojë takime me krerët e shteteve përkatëse në kuadër të Procesit të Berlinit që do të mbahet më 16 tetor në Tiranë.
Agjenda
Sipas agjendës së kryeministri, turi nis me Maqedoninë e Veriut ku do të takohet me kryeministrin maqedonas Dimitar Kovaçeski në orën 11:00, me të cilin do të zhvillojë edhe një konferencë të përbashkët për shtyp në orën 12:00. Më pas kreu i qeverisë do të zhvendoset në Kosovë, ku fillimisht do të takohet në orën 16:00 me presidenten Vjosa Osmani dhe më pas me kreun e Kuvendit Glauk Konjufca.
Ajo që bie në sy në agjendën e kreut të qeverisë është pritja për konfirmim e një takim me kryeministrin Albin Kurti, i cili një ditë më parë deklaroi se nuk do të ketë takim bilateral me Ramën por tha se i ka kërkuar që të zhvillojnë mbledhjen e përbashkët të qeverive.
Ditëne nesërme më 7 korrik Rama do të zhvendoset në Bosnjë ku do të takohet me kryetaren ekëhsillit të Ministrave të Bosnjë Hercegovinës Borjana Kristo me të cilën do të zhvillojë një konferencë për mediat dhe më pas me kryeministrin e Malit të Zi, Dritan Abazoviç, ku pas takimit do të zhvillojë nëj konferencë të përbashkët. Takimi në Mal të zi do të mbyllet me presidentin Jatov Milotviç. Në mbrëmje Rama do të zhvillojë një takim kokë më kokë me presidentin Vuçiç në Serbi, për të vijuar me konferencë të përbashkët dhe më pas darkë pune me delegacionet përkatëse.
Nga ajo që u zbulua dy të më parë mësohet se finalizimi i dialogut duke pranuar planin franko-gjerman do të jetë kërkesa e Ramës për Prishtinën zyrtare. Të njëjtën kërkesë do t’ia bëjë edhe Presidentit serb Aleksandër Vuçiç. Gjithashtu në Beograd, Rama do të duhet të bindë Vuçiçin se pse duhet te mbyllet misioni i “Open Ballkan” për ta drejtuar rajonin vetëm drejt Procesit të Berlinit që do të mbahet në Tiranë me 16 tetor.
- Axhenda e Ramës për turin ballkanin:
