Nënkryetari i PD-së, Oerd Bylykbashi, ka komentuar ditën e sotme raportin e publikuar për farsën elektorale të 14 Majit.
I ftuar në emisionin “Task Force”, Bylykbashi është shprehur se, nëse do të merreshin vendime të drejta, duhej të kishte rivotim në të paktën 3 bashki.
Sipas nënkryetarit të PD-së, janë 500 filmime të veçanta, të shkëputura për bashkitë Kuçovë, Elbasan dhe Kamzë, ndërsa KAS ka mbyllur sytë para provave.
‘Pati një periudhe kohe, kur zgjedhjet kishin vetëm probleme teknike, që duhet rregulluar kjo apo jo. Sot po të marrim vetëm zgjedhjet kryesore. Në 2017 ODIHR thotë se pati shitblerje të votës, rekomandimi më i rëndësishëm thotë që goditni shitblerjen e votës.
Shitjeblerja e votës nuk është problem i ri, por për herë të parë kapërceu sepse korrespondonte me dyvjeçarin e kanabizimit të vendit, 2015-2017.
Në vitin 2019, që përsëri u shkruajt nga zonja Glover, tha se u abuzua me shtetin. Merrni masa që kjo të mos ndodhë më. Dhe ndodhi edhe më shumë akoma.
Dhe në vitin 2021 tha edhe një gjë akoma e më të rëndë, që është cenuar sekreti dhe liria e votës. Pra nëse bie kjo nuk më zgjedhje demokratike.
Në zgjedhjet e 14 majit është cënuar sekreti i votës që çdo lloj parimi ndërkombëtar, Komisioni i Venecias, ODIHR ta lidhin me lirinë e votës.
Gjykata Kushtetuese në vitin 2002, për një situatë të tillë, shfuqizoi 5 qendra votimit në Bulqizë dhe i shpalli të pavlefshme. Çfarë ka bërë KAS-i kësaj radhe?
Gjykata Kushtetuese e vitit 2002 e Fehmi Abdiu pati integritet të mjaftueshëm për të thënë se është shkelur Kushtetuta.
Kurse KAS-i dhe Kolegji Zgjedhor mbyllën sytë përpara provave. Janë 500 filmime të veçanta, të shkëputura për Kuçovën. Kemi Elbasanin dhe Kamzën në mënyrë masive. Nëse do të shpalleshin të pavlefshme ato qendra votimi, Kamza dhe Elbasani sot përsëriteshin, përsëritej Kuçova dhe kudo që janë ato prova. Por ne sot kemi një sistem të kapur’, tha ndër të tjera, Bylykbashi.
