Një ngjarje e rëndë ka ndodhur në Australi, ku një 22-vjeçar ka varrosur të gjallë ish partneren e tij 21-vjeçare.
Tarikjot Singh, 22 vjeç, nga Adelaide, u deklarua fajtor për vrasjen e studentes 21-vjeçare për infermieri, Jasmeen Kaur. Në seancën e tij të dënimit në Gjykatën e Lartë të Australisë Jugore, prokurori Carman Matteo theksoi se 22-vjeçari e vrau të renë si një akt hakmarrjeje pasi ajo e refuzoi. Në fakt, siç theksoi ai, autori e kishte planifikuar vrasjen.
Trupi i 21-vjeçares u gjet në një varr të cekët, 400 kilometra larg vendit ku u pa e gjallë për herë të fundit. Duart dhe këmbët e saj ishin të lidhura me kabllo dhe shirit dhe u zbulua se ajo kishte gëlltitur dheun, sipas Guardian.
Ky është një krim me një nivel të pazakontë brutaliteti, theksoi prokurori. “Ajo duhet të ketë qenë e vetëdijshme dhe të ketë vuajtur atë që mund të përshkruhet vetëm si tmerri absolut i frymëmarrjes dhe gëlltitjes së dheut dhe vdekjes në atë mënyrë,” shtoi ai.
Sulmuesi duhej të dilte në gjyq këtë vit, por u deklarua fajtor pasi pranoi fajin e tij. Ai u dënua me burgim të përjetshëm.
