Një lajm i tmerrshëm vjen nga Brazili, ku raportohet se futbollisti 19-vjeçar, Hugo Skulni, i cili u zhduk më 25 qershor pas një feste, u gjet i vdekur në një lumë në shtetin jugperëndimor të Brazilit, Mato Grosso do Sul.
Ditën që u zhduk, futbollisti shkoi në një festë me miqtë e tij, teksa më pas i humbi të gjitha gjurmët.
19-vjeçari u pa për herë të fundit me miqtë që e lanë në shtëpinë e të dashurës së tij pranë qytetit brazilian të Sete Quedas.
Sipas kreut të policisë së këtij qarku, trupi i prerë i Skulnit është gjetur, por koka jo.
Më tej thuhet se futbollisti është identifikuar falë një tatuazhi që i ka kushtuar babait të tij i cili u nda nga jeta dy vite më parë.
