Gazetari Andi Bushati ka komentuar vizitën e Bill Klinton në Tiranë.
Me anë të një statusi të shkurtër në “FB”, Bushati thotë se, Klinton ka ardhur në Tiranë me bekimin e Sorosit për të goditur Albin Kurtin nga Tirana.
‘U pa qartë se Klinton paska ardhur me bekimin e Soros për të goditur Albinin nga Tirana’, shkruan Bushati.
Klinton e quajti “marrëzi” atë që po ndodh në veri të Kosovës. Ai tha se në veri nuk duhet të votohej pas tërheqjes së kandidatëve të pakicës serbe. Ai u shpreh se “kosovarët i krijuan ato katër qyteza në të mirë të serbëve për t’u dhënë katër kryebashkiakë më tepër”.
“Ka një mosmarrëveshje që po ndodh tani në Kosovë. Do të doja të mos kishte ndodhur kurrë. Nuk është më vendimi im, por kosovarët i krijuan ato katër qyteza në të mirë të serbëve për t’u dhënë katër kryebashkiakë më tepër. Kështu që mendoj se kanë bërë një gabim që u votua. Mendoj se është e lehtë për shqiptarët, tani në shumicë që të përpiqen që të përfitojnë nga momenti, për të paraqitur argumentin tyre, por gjëja e vërtetë që duhet të bëjmë është ta ndalim këtë marrëzi. Çfarë çështje e madhe politike mund të përparojë duke pasur këtë tension, ka njerëz që jetojnë aty. Kanë të drejtë për një jetë të denjë. Qytetarëve duhet t’u thuhet të votojnë”, ishin fjalët e Bill Klinton në Tiranë.
