Dy persona janë shpallur në kërkim lidhur me shpërthimin e ndodhur në garazhin e një banese një ditë më parë në Shkodër.
Ata janë Seadet Myftia, 27 vjeç dhe Zabit Mehmedaj, 27 vjeç, të shpallur në kërkim edhe më parë për ngjarje të tjera kriminale të ndodhura në qytetin e Shkodrës, konfirmoi policia.
Sipas të njëjtave burime, identifikimi i autorëve u arrit falë administrimit të provave në vendngjarje dhe këqyrjes së kamerave në aksin rrugor përmes të cilit dyshohet se mund të ishin larguar. Gjithashtu, sipas hetimeve, 2 autorët e dyshuar janë larguar nga vendi i ngjarjes me një motomjet të vjedhur në qytetin e Shkodrës pak para ngjarjes.
Ndaj tyre është ngritur akuza për veprat penale “Shkatërrimi i pronës me eksploziv” dhe “Vjedhja”.
Lënda eksplozive shpërtheu orët e para të mëngjesit të së enjtes në derën e garazhit në banesën e Agim Urajt, në lagjen “10 korriku” në hyrje të Shkodrës.
Nga shpërthimi u shkaktuan dëme materiale. Biznesmeni Agim Urajn në deklaratën e dhënë për policinën ka thënë se nuk e ka idenë se kush mund të jenë autorët që kanë vendosur tritolin dhe se nuk ka konflikte me asnjë person.
Lexo edhe: Tritoli në Shkodër, kush janë dy të shpallurit në kërkim – FOTO
