Një konflikt ka agravuar deri në përdorimin e armës së gjahut në Divjakë.
Mësohet se, për motive ende të paditura, një 21-vjeçar është zënë me një 31-vjeçar në Divjakë. 21-vjeçari nga fshati Bedat ka goditur me sende të forta 31-vjeçarin dhe ka qëlluar me armë gjahu në ajër.
21-vjeçari është shpallur në kërkim nga policia.
“Një 21-vjeçar nga fshati Bedat, Divjakë është shpallur në kërkim pasi dyshohet se për shkak të një konflikti për motive të dobëta ka goditur me sende të forta një 31-vjeçar dhe ka qëlluar me armë gjahu në ajër. Vijon puna për kapjen e 21-vjeçarit.”– njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
