Një aksident ka ndodhur mbrëmjen e sotme në zonën e ish-parkut të Autobusave në Tiranë.
Burimet mediatike bëjnë me dije se një makinë është përmbysur në mes të rrugës. Nga të dhënat paraprake mësohet se shkaku i aksidentit është bërë shpejtësia e madhe që ka pasur ky automjet.
Fillimisht drejtuesi i mjetit ka humbur kontrollin dhe është përplasur me bordurën anësore. Por për shkak të përplasjes së madhe makina është kthyer përmbys. Si pasojë e aksidentit është bllokuar komplet rruga e “21 Dhjetorit”.
Ende nuk dihet nëse ka të lënduar. Në vendngjarje ka shkuar policia së bashku me grupin hetimor për të bërë të mundur zbardhjen e ngjarjes.
