Një dënim prej 25 vitesh burgim është kërkuar nga prokuroria e Elbasanit për Arbën Paplekjan, të cilin e akuzon për vrasjen e Pjerin Xhuvanit.
Ndërkohë, Prokuroria kërkon dy vite shërbim prove për dy ish-zv/drejtorët e policisë së Elbasanit kur ndodhi krimi, Albert Nushi dhe Nikollaq Palla. Ndaj tyre rëndon akuza e shpërdorimit të detyrës.
Tetë muaj shërbim prove janë kërkuar në pretencën e akuzës për 6 efektivë policie të tjerë të akuzuar po ashtu për shpërdorim detyre.
Ngjarja ndodhi vetëm pak ditë para zgjedhjeve të 25 prillit 2021. Pjerin Xhuvani mbeti i vrarë në Elbasan, pasi u qëllua me armë nga Arbër Paplekaj, ish-efektiv e RENEA-s dhe shoqëruesi i kreut të listës së Partisë Demokratike, Gazment Bardhi.
Prokuroria akuzon Paplekajn për vrasje dhe dy ish-zv/drejtorët e policisë, Nikollaq Pallën, Albert Nushin, për shpërdorim detyre.
Nga ngjarja e 21 prillit, të plagosur mbetën edhe katër persona të tjerë, Emiljan Prenga, Pavlo Vuksani, Eltjon Bodinaku dhe Xhensila Sota, punonjëse e policisë. Paplekaj pranoi krimin dhe u vetëdorëzua në Repartin e Forcave RENEA në Tiranë, duke thënë se qëlloi për vetëmbrojtje pasi u qëllua më parë nga persona që, sipas tij, po blinin vota.
Si gënjeu Ardi Veliu
Në një deklaratë për mediat më 22 prilli 2021, ish-kryepolici Ardi Veliu nuk pranoi përgjegjësitë e policisë, ndërsa mohoi të ishin gjetur prova për shitblerje vote.
Ndërsa gjykata ka vlerësuar se mosveprimi i trupës policore në asnjë nga momentet e kësaj situate shkon deri aty sa në vendngjarje të përdoren armë.
Sipas hetimeve nga prokuroria, u gjetën 5 fletë me lista emrash dhe ID, 17 fletë formati, kopje kartash identiteti dhe pasaporta biometrike, 5 gjurmë kopjues dhe një formular patronazhi.
