Një Youtuber që njihej në Francë për testimin e makinave ka humbur jetën në një aksident automobilistik.
37-vjeçari dha frymën e fundit në asfalt, në një aksident trafiku të shtunën, më 24 qershor, në qytetin Val-de-Virvée në departamentin Gironde.
Bëhet fjalë për Jean-Bapstiste Dessort, një Youtuber i njohur nga qyteti i Bordeaux, me 59,000 abonentë në kanalin e tij “Le Billet Auto”.
Sipas mediave franceze, 37-vjeçari ka përplasur makinën elektrike në një pemë, ndërsa raportet sugjerojnë se ai mund të jetë hedhur nga automjeti.
Makina IX me emetim zero është djegur plotësisht, ndërsa në vendngjarje ka mbërritur forca e zjarrfikëses, e cila ka gjetur të vdekur Jean-Bapstiste Dessort, pak metra larg makinës.
