Nga Skerdjan Dhuli
Ditën e djeshme ju përgjigja me shumë respekt një ftese televizive për të mbrojtur demokratët e Bashkisë Himarë nga Palasa në Nivicë e nga Fterra në Bolenë.
Siç ndodh rëndom nuk pyeta nëse do kisha debat apo intervistë duke marrë të mirëqenë respektin që dikush meriton kur ftohet në studio (gafë e ardhur nga mungesa e ekperiencës, e pranoj. Jo gjithkund të duan).
Në studio më fanepsën përballë një bir spiuni të sigurimit të shtetit, njëfarë Ilir Demaliaj (ndjesë pastë).
Ky person duke perfituar nga fakti që është në skype e jeton largë, nisi ndaj meje një lumë sharjesh e fyerjesh të panumërta e unë për shkak se isha edhe vetë në skype, nuk munda ti dëgjoj të gjitha (shumicën i dëgjova kur pashë videon më pas). Padyshim që në studio përballë nuk besoj se guxon kush të thotë ato fjalë…
U mor me mua, me familjen, me fëmijërinë, me ekonominë time…, praktikisht me gjithçka.
Nuk ju përgjigja dot as 20% e asaj që duhej sepse së pari prita të më respektonte ai që më ftoi duke e ndaluar spiunin e birin e spiunit të vazhdonte sharjet dhe së dyti sepse një pjesë të tyre as nuk munda ti dëgjoj në atë moment.
Mbylla lidhjen dhe u largova, e mbeta në pritje të së paku një ndjese të merituar… që nuk erdhi.
Po pse Ilir Demliaj kaq agresiv ndaj meje në mbrojtje të Edi Ramës ?
Sepse babai i tij ka qenë spiun i sigurimit dhe me këtë dosje Demaliaj mbahet peng.
Padyshim që ai shkon me urdhër të Fugës nëpër studio për të bërë bash atë që bëri dje ndaj meje.
Unë nuk e kam aspak kompleks që kam lindur në fshat.
Babai im në kohën e komunizmit ka bërë dy lloje punësh. Ndërtim dhe bletërritës (këtë të fundit edhe ditën e sotme).
A e thotë dot Ilir Demaliaj, ky këllirë e Endri Fugës e mbajtur peng me dosje sigurimi, se çfarë ka bërë babai i tij dhe si e kishte pseudonimin ?
Unë do vazhdoj ti mbroj banorët e të gjithë fshatrave të bashkisë Himarë sipas bindjes time, rë cilën as e negocioj e as e nënkontraktoj.
Betejën kundër Edi Ramës nuk e kam zgjedhur me dëshirë anipse nëse do ishte me zgjedhje, padyshim do dilja gjithë jetën kundër tij.
Bindja ime politike është sa brumë ideologjik aq edhe konvencion politik dhe tek kjo e fundit bashkohem me Demalinë. Ai bir sigurisi sulmon demokratët për interes të padronit të tij Edi Ramës, ndërsa unë nip të burgosuri politik kundër Edi Ramës dhe sojit të tij.
Beteja e kthyer në sagë për Himarën do vazhdojë sa e si mundem. Edhe nëse Edi Rama lëshon ndaj meje spiunë e bij spiunësh, apo policë me çimka e bisnesmenë me (gjoja) kërcënime.
Të gjithë të mësipërmve ju dha përgjigje vota e 14 Majit në Himarë duke u kthyer veç të tjarash edhe në votë kundër këtij llumi.
