Më shumë se 30 të dyshuarit bënin një jetë në dukje normale, të paktën nga sa mund të vërehet në profilet sociale të disa prej të arrestuarve. Kishin edhe video të udhëtimeve në Slloveni apo rreth qytetit të Triestes. Të gjitha sikur asgjë nuk ndodhte, sikur askush nuk mund ta prekte fuqinë e tyre.
Fëmijëve të familjeve emigrante që trafikonin, iu jepnin pilula gjumi, që të qanin dhe të rrezikonin të zbuloheshin gjatë rrugës së trafikimit të tyre.
“Një biznes me të ardhura të mëdha” Rrahje të emigrantëve, “fajtorë” se janë shumë të lodhur për të ecur, pilula gjumi për fëmijët për t’i vënë në gjumë për të mos rrezikuar që të zbulohen nga të qarat e tyre, të gjitha për të fituar male me para nga lëkura e njerëzve që vijnë nga rruga ballkanike dhe drejtohen për në Itali.
Celula shqiptare që iu pre koka nga Drejtoria e Qarkut Antimafia e Triestes falë operacionit të kryer, kishte ngritur një biznes me të ardhura të mëdha. Bëhet fjalë për 32 episode të dokumentuara nga hetuesit, por sipas fjalëve të zv/prokurorit Massimo De Bortoli që koordinonte aktivitetin, sigurisht që ishin “më shumë”.
Hetimi, sipas prokurorisë, gjithashtu mund të zgjerohet, ose të marrë një drejtim tjetër. “Dikush mund të mendojë të flasë”, tha kryeprokurori Antonio De Nicolo, duke lënë hapësirë për shfaqjen e fenomenit të të penduarve të trafikut të qenieve njerëzore. Ndoshta.
Biznes një milion dollarësh
Përtej hipotezave, operacioni përfaqëson një goditje tjetër të rëndësishme kundër krimit të organizuar që vepron përgjatë rrugës ballkanike dhe përfiton nga trafikimi i qenieve njerëzore.
Një qarkullim që mund të përkufizohet prej milionash, duke qenë se kalimet nga Sllovenia në Itali (për rreth njëzet kilometra), ishin rreth 200 dhe 250 euro secili.
Hetimi ka zgjatur 11 muaj (ka nisur në fillim të vitit 2022), por ka shumë të ngjarë që banda të ketë vepruar edhe para se të fillonte aktiviteti i policisë. Paratë nuk i dorëzoheshin nga emigrantëtm trafikantëve, por nga hallkat e tjera të zinxhirit që paguanin për udhëtimet. “Kutia e Pandorës” e quajtën hetuesit. Banda “nuk priste të zbulohej” dhe me kalimin e muajve është “gozhduar” nga pasazhe të dokumentuara vazhdimisht, si falë kamerave të vendosura aty-këtu përgjatë zonës nën hetim, ashtu edhe falë përgjimeve dhe sterileve. .
“Sikur të mos kishte ndodhur asgjë”
Megjithatë, banda dukej se vazhdonte të kryente “shërbimin” sikur asgjë të mos kishte ndodhur. Bosi, siç raporton zv.prokurori Massimo De Bortoli që e cilësoi si “top menaxher”, quhet Fitim Miftaraj i njohur si “Fiti”.
Mbi 30 të dyshuar, 13 arrestime, masa të shumta parandalimi të dhëna pas 11 muajsh hetime dhe 290 faqeve të urdhëresës. Por si lëvizte banda e trafikantëve?
Udhëtime nga Trieste në Pomjan
Ata shkonin përpara dhe mbrapa, madje bënin dy udhëtime në natë, me furgona, Range Rover, BMË, të gjitha makina të shpejta, me motor të madh. Makina që u sekuestruan nga prokurori (së bashku me celularë, sims dhe karta sim), por që të dyshuarit i shfaqnin me krenari dhe pa frikë në profilet e tyre sociale.
“Një flotë e madhe makinash”, kështu komisariati. Në shumë raste, një pjesë e udhëtimeve në Slloveni (nuk dihet nëse “ato” udhëtime apo të tjera, jo domosdoshmërisht të lidhura me trafikimin e qenieve njerëzore) u përjetësuan në video të shkurtra, më pas u publikuan në Tik Tok, Facebook dhe në histori të Instagramit. Foto, komente, inkurajime nga njerëz të tjerë, ndonjëherë familjarë, të gjitha me një lidhje pak a shumë të thellë me Triesten.
Fotot, videot, jeta “normale” e grupit
Fotot e tyre ka në Barcola, por edhe në zona të ndryshme të qytetit. Ndoshta të njëjtat zona të Triestes ku ata shkarkonin emigrantët që do të merrnin, në kufirin midis Sllovenisë dhe Kroacisë, pranë qytetit të Pomjanit.
Ose ndoshta të njëjtat zona ishin skenë e disa tentativave për të larë hesapet, dikur ndonjë anëtar i organizatës kriminale (kjo shumë e diskutueshmendër hipotezat e krimit) mendoi të ngrihej vetë.
“Hekura, hunj dhe shkopinj bejsbolli, në mes të natës” që pa ndërhyrjen e policisë do të ktheheshin në gjakderdhje të vërteta. Jo aq ndryshe (në qëllime, për fat jo në praktikë) nga ajo që u zbatua nga dy bandat e kosovarëve, të cilët vitet e fundit ishin përgjegjës për disa lajme shumë të rënda, përshkallëzimi i të cilave kulmoi me të shtënat në rrugën Carducci.
Të rinj e të rritur përfunduan në burg me akuza të rënda që deri dje kishin qënë të ulur të qetë në ndonjë tavolinë në Piazza Goldoni ose në Campo San Giacomo, sikur asgjë nuk kishte ndodhur, sikur asgjë nuk mund të prekte fuqinë e tyre.
