Gjyaka e Posaçme ka caktuar ditën e sotme masën e sigurisë “arrest me burg” për Albert Pashajn, i cili u arrestua në kuadër të operacionit “Plumbi i Artë”, pasi akuzohet se ka porositur dy atentate të dështuara ndaj Aredin Beharit, në vitet 2017 dhe 2019.
Ai u zbulua pas dëshmive të të penduarit të drejtësisë Henrik Hoxhaj, i cili ishte kontaktuar dhe paguar nga Pashaj, për të ekzekutuar Aredin Beharin, teksa si vrasës me pagesë është paguar edhe shoku i Henrik Hoxhajt, Skerdi Tase. Sipas SPAK janë paguar rreth 80 mijë euro për dy atentatet.
Gjatë seancës së sotme gjyqësore, Albert Pashaj ka mohuar lidhjen me dy atentatet e dështuar ndaj Aredin Beharit. Ai ka deklaruar se e njeh Henrik Hoxhajn pasi janë nga e njëjta zonë, por ka pretenduar se nuk i ka dhënë asnjë porosi për vrasje.
Si nisi konflikti
Aredin Behari, objekti i dy sulmeve me armë, rezulton të jetë një tregtar nafte në qytetin e Fierit. Ai është pjesë mbikëqyrëse e shoqërisë aksionere të hidrokarbureve Ed-Al e themeluar në janar 2021.
Dy vëllezerit Ardjan dhe Albert Pashaj kanë pasur konflikt për shkak të borxheve financiare që i kishte Aredin Behari. Palët ishin përfshirë në një konflikt gjyqësor në shkallë të parë në Fier dhe në gjyjatën e Apelit Vlorë. Në shkallën e parë e ka fituar gjyqin Aredin Behari ndërsa në Apel, gjyqin e kishin fituar dy vellezërit Pashaj. Këta të fundit kanë arritur t’ia marin një shtëpi Aredin Pashaj, por me pas ky i fundit i ka kundërshtuar me padi civile ne gjykatë.
Për të shlyer borxhet financiare, Aredin Behari është futur aksioner tek kompania e dy vllezërve Pashaj. Njëri nga vëllezërit, Albert Pashaj ka kontraktuar Henrik Hoxhajn për të vrarë Aredin Beharin. Një gjë e tillë është bërë në vitin 2017 dhe në vitin 2019, si shenjë hakmarje për mosmarjen e borgjeve financiare nga Aredin Behari. Ky i fundit i ka shpëtuar të dy atentateve. Të dy episodet e vrasjes së mbetut në tentativë, janë treguar kohët e fundit në SPAK nga bashkëpuntori i prokurorisë Henrik Hoxhaj, duke sjellë arrestimin e njërit prej vellezerve Pashaj dhe riarestimin e Henrik Hoxhaj dhe Skerdi Tasit.
Ndërkohë, SPAK ka sekuestruar dosjet civile dhe penale nga Fieri, ku tregohet historiku i konfliktit mes vëllezërve Pashaj dhe Aredin Beharit.
Akuzat
Prokuroria e Posaçme Kundër Korrupsionit dhe Krimit të Organizuar njofton se ka kryer hetime në kuadër të procedimit penal nr. 75/2022, të regjistruar për veprat penale të “Vrasje me paramendim”, “Vjedhje me armë”, “Vjedhje me dhunë”, “Shkatërrimi i pronës me eksploziv”, “Sigurimi i kushteve dhe mjeteve materiale për të kryer vrasje”, “Mbajtja pa leje dhe prodhimi i armëve, armëve shpërthyese dhe i municionit”, “Grup i strukturuar kriminal” dhe “Pjesëmarrje në grup të strukturuar kriminal” etj.
Pas kryerjes së veprimeve hetimore, me kërkesë të Prokurorisë së Posaçme, Gjykata e Posaçme e Shkallës së Parë për Korrupsionin dhe Krimin e Organizuar me vendimin Nr. 72 datë 25.06.2023 ka vendosur: Caktimin e masës së sigurimit personal “arrest në burg”, parashikuar ndaj personit nën hetim Albert Pashaj, i dyshuar për kryerjen e veprave penale të “Vrasja me paramendim”, e kryer per interes, në bashkëpunim, e mbetur në tentativë, e kryer në dëm të Aredin Beharit dy here, (në datat 05.11.2017 dhe 03.04.2019), në qytetin e Fierit, në bashkëpunim me të hetuarit Henrik Hoxhaj dhe Skerdi Tase.
Ky vendim është ekzekutuar nga Drejtoria e Përgjithshme e Policisë së Shtetit në datën 26.06.2023.
