Është zhvilluar mbledhja e parë e Këshillit Bashkiak Kukës pas skandalit që përfshiu ish-kryetarin e Bashkisë Kukës Safet Gjicin.
Kryetari i Këshillit të Bashkisë Albert Muja në fjalën e tij kërkoi ndjesë dhe tha se duhet të vijojmë punën edhe pse kjo tashmë i përket së kaluarës.
“Ngjarja është shumë e rëndë. Kjo që ndodhi është një kujtesë publike se ne jemi zgjedhur prej komunitetit të Kukësit për t’i shërbyer interesave të tyre. Me aktin e dorëheqjes sot politikës këtu në Kukës i ka ngelur pak për të thënë. Një ngjarje që Kukësi dhe kuksianët nuk e meritonin. Ka nisur një proces nga drejtësia dhe le të thotë ajo fjalën e saj”, deklaroi Muja.
Fasli Gërmizi, i vetmi këshilltar që kundërshtoi fjalën e kryetarit të këshillit, dënoi videon e turpshme të Safet Gjicit dhe kërkoi që të gjithë këshilltarët përfshirë edhe drejtuesit aktual të bashkisë Kukës të japin dorëheqje.
Gjatë mbledhjes së këshillit u prezantua Granit Gjana në detyrën e ushtrimit të funksionit të kryetarit të Bashkisë Kukës.
Siç u transmetuar në videon e dytë në publikuar në media, nënkryetari i bashkisë së Kukësit Granit Gjana “përdoret” nga Safet Gjici për të mbyllur punën e dokumentacionit të dorëzuar nga Alma.K për tenderin e sterilizimit të qenve endacakë.
Granit Gjana do të ushtrojë funksionin e krybashkiakut të Kukësit, deri në momentin e mbajtjtes së zgjedhjeve të reja në këtë qark.
12 minuta pas skenës të shfaqur në videon e cila u bë virale, vajza ka shkuar në zyrën e nënkryetarit Gjana për të marrë udhëzimet mbi dokumentet që duhen për projektin e folur më sipër, menjëherë pas finalizimit të diskutimeve është larguar me ‘po’-në e marrë për projektin.
Ndërkohë në mbledhje ishte edhe deputeti i Partisë Socialiste Pandeli Majko, i cili ishte drejtues politik i fushatës elektorale të Safet Gjicit në zgjedhjet e 14 Majit.
Kujtojmë që ditën e djeshme, në hyrje të Kuvendit Pandeli Majko “kyçi gojën” dhe nuk dha asnjë koment kur u pyet nga gazetarët për këtë video skandal ku Safet Gjici u shfaq duke kryer seks në zyrat e Bashkisë së Kukësit.
