Ish-kryeministri Sali Berisha, gjatë fjalës së tij në mbledhjen e grupit parlamentar të PD-së, ka komentuar edhe video-skandalin e ish-kryebashkiakut të Kukësit, Safet Gjici, i cili kryente marrëdhënie seksuale në zyrën e tij me një 40-vjeçare, në këmbim të dhënies së projektit të sterilizimit të qenëve.
Berisha deklaroi se duke iu referuar këtij skandali, tha se ajo është fytyra e vërtetë e këtij regjimi, dëshmia e sundimit të të gjitha formave të korrupsionit, duke përfshirë dhe korrupsionin erotik.
Më tej, lideri demokrat iu kërkoi deputetëve se duhet të bëjnë gjithçka për të aktivizuar më shumë nervin e protestës antiqeveritare
“Rasti tjetër, ai i Kukësit është fytyra e vërtetë e këtij regjimi, është dëshmia e sundimit të të gjitha formave të korrupsionit, përfshi korrupsionin erotik. Është një dëshmi flagrante e një regjimi të kalbur, që ka humbur prej kohësh të drejtën për të qeverisur. Sa të jetë, vetëm skandale do kemi. Duhet të bëjmë gjithçka për të aktivizuar më shumë nervin e protestës antiqeveritare. Ky regjim përveç protestës, nuk njeh gjuhë tjetër. Duhet ta kemi shumë të qartë dhe duhet të qartësojmë te zgjedhësit.” tha Berisha.
