Me urdhër të SPAK, Policia e Shtetit zbarkoi mëngjesin e djeshëm në kampin e MEK në Manzë të Durrësit për sekuestrimin e serverave, njësive kompjuterike dhe celularëve, nën dyshimet për sulme kibernetike dhe terrorizëm.
Por, uniformat blu hasën në kundërshtim dhe rezistencë nga ana e komunitetit iranian, ku u detyruan të përdornin edhe spraj individual. Gjtihsesi, aksioni i djeshëm ngriti edhe një herë tjetër problemin e sigurisë së këtij kampi.
Burime për mediat bëjnë me dije se për shkak të rasteve të implikimit të iranianëve në aktivitet kriminal dhe spiunazhi, Ministria e Brendshme po studion një variant të ngritjes së një poste policore në hyrje të këtij kampi, me qëllim mbajtjen nën kontroll të çdo elementi të dyshimtë.
Kujtojmë se ministri i Brendshëm, Bledi Çuçi dënoi ditën e djeshme sjelljen e muxhahedinëve ndaj efektivëve të Policisë dhe kërkoi një reflektim nga ana e tyre.
