Deputeti i PD, Saimir Korreshi ka komentuar mbajtjen e Këshillit Kombëtar ditën e djeshme, ku tha se nuk mund të zgjidhet kryetari i ri pa u bashkuar partia.
Korreshi tha se procesi për zgjedhjen e lidershipit në PD nuk duhet të jetë i nxituar, pasi duhet të ketë përfaqësim nga ana e anëtarëve të Këshillit Kombëtar dhe kryetarë të degëve.
Sakaq shtoi se PD nuk po funksionon si duhet dhe është e çorganizuar, ku shtoi se kandidatura e ish-kryetarit Lulzim Basha ka ardhur pas mbështetjes që i është dhënë dhe mbajtja e një procesi të shpejtë.
Zoti Korreshi ju ishit ditën e djeshme pjesë e një grupi deputetësh që e quajtët atë mbledhje si legjitime, pse?
Korreshi: “Këshilli Kombëtar thotë që duhet të ishin 450 persona, ndërkohë dje ishin hequr nja 170 veta. Po ta analizojmë, kryetarët e degëve nuk janë më. Unë jam pjesë e Këshillit Kombëtar, ndër të tjera dua të them se përderisa nuk u arrit një forum të gjitha këto shkelen dhe për të bërë një proces fals, pasi ne kemi thënë që nuk mund t’i gjesh kryetar partisë pa e bashkuar. Në këto kushte, kjo ka qenë iniciativa e deputetëve, që sipas listës të Këshillit Kombëtar të kontaktojmë me të gjitha anëtarët, ajo e korrikut të 2021.
Demokratët kanë votuar për atë listë për Këshillin Kombëtar, brenda numrave që parashikon statute të mblidhen të gjithë anëtarët. Ne e kemi me mënyrën sesi po bëhen këto zgjedhje, nuk i bën mirë partisë.
Unë jam pjesë e PD, dhe kërkoj të zbatohet statuti, të kontaktojmë të gjithë anëtarët e këshillit dhe të kuptojmë nëse ka vullnet ose jo. Procesi që propozuam është që ne nuk mund të zgjedhim kryetar pa bashkim, partia është çorganizuar dhe nuk funksionon si duhet. Kërkuam një proces të mirëfilltë, por mënyra sesi po bëhet tani ne nuk pajtohemi. Duhet një proces gjithëpërfshirës, të debatohet dhe të kandidohet. PD me këtë kryesi nxori një ligj legjitim, ku kërkoi mos të bëhen zgjedhje më 14 maj, hileja vazhdon ende. PD duhet ti ftonte dhe ti bënte pjesë të procesit të gjithë deputetët. A ka vullnet mes anëtarëve për të diskutuar fatin e PD, duhet të rinisë një gjë serioze nga e para”
Kandidatura e Lulzim Bashës dhe një figurë jo e njëjtë, a e konfirmon kjo mbështetjen për rikthimin e tij në PD?
Korreshi: “Edhe bufi natën po të jetë përgjumësh, e kupton që kjo gjë aty të çon. Nuk kam asgjë, le të zgjidhet edhe Basha por duhet të bëhen procedura, ne na mungon anëtari dhe kryetarët e degëve. Procesin ta ndjekë një grup dhe të mbahet një proces transparent, nëse ne heqim demokratët nga lista e zgjedhësve nuk kemi bërë proces. Nëse po flasim për PD, pasi për njerëz dihet ku ka pasur më shumë.”
