Një aksident i rëndë ka ndodhur pak minuta më parë në Berat në qendër të qytetit.
Mësohet se një automjet tip “Benz”, me drejtues një 18-vjeçar, ka përplasur një të moshuar teksa ishte duke kaluar në vijat e bardha, me një biçikletë.
Pas përplasjes, i moshuari Muharrem Kadëna, 70-vjeç, ka rënë pa ndjenja në rrugë dhe është transportuar me ambulancë drejt Spitalit të Traumës në Tiranë, ku raportohet se gjendja e tij është kritike, pasi ka pësuar hemorragji të brendshme
Njoftimi i policisë:
Në vendngjarje ndodhet policia e cila po punon për zbardhjen e plotë të rastit, ndërsa është shoqëruar në polici drejtuesi i mjetit.
Rreth orës 20:10 në rrugën “Bulevardi Republika”, automjeti tip “Benz”, me drejtues shtetasin Sh.F., 19 vjeç, ka goditur biçikletën që udhëtonte shtetasi M.K., 70 vjeç.
Si pasojë e përplasjes, drejtuesi i biçikletës është dëmtuar dhe po merr mjekim në spital, jashtë rrezikut për jetën, ndërsa shtetasi Sh.F., u shoqërua në ambientet e Policisë, për kryerjen e veprimeve të mëtejshme procedurale.
Grupi hetimor po punon për përcaktimin e shkaqeve të aksidentit.
