Vijon të jetë e tensionuar situata në veri të Kosovës.
Raportohet se mëngjesin e sotëm një qytetar nga Shqipëria është sulmuar me gurë nga 6 persona në Zveçan.
Në njoftimin e policisë bëhet me dije se shqiptari ka qenë me kamion, në momentin e sulmit, dhe si pasojë është dëmtuar edhe kamioni.
‘Ankuesi mashkull Shqiptar shtetas i Shqipërisë ka raportuar se derisa ka qenë me kamion, 5-6 persona të panjohur e kanë sulmuar me gurë me ç’ rast i kanë dëmtuar derën e kamionit dhe janë larguar në drejtim të panjohur, rasti në procedurë hetimore’, thuhet në raport.
