Kryeministri Edi Rama, i shoqëruar nga bashkëshortja Linda dhe djali i tyre i vogël Zaho, janë të pranishëm në stadiumin “Air Albania” ku kombëtarja shqiptare e futbollit luan kundër Moldavisë, sfidë e vlefshme për kualifikueset e Kampionatit Europian.
Ata ndodhen në tribunën qëndrone, ku krahas kryeministrit Edi Rama shihet i ulur dhe kreu i FSHF-së, Armand Duka.
Me asnjë pikë dhe një ndeshje më pak se kundërshtarët në grupin E, kombëtarja kërkon pikët e plota për të vijuar me ëndrrën për kualifikimin.
Shpesh kryeministri Edi Rama është konsideruar nga tifozët si “ters” i kombëtares kuqezi, pasi gjithmonë kur ka qenë ai prezent, kuqezinjtë tanë nuk kanë arritur dot të marrin fitoren. Këtë gjë, kryeministrit Edi Rama ia kanë bërë me dukej tifozët edhe në rrjetet sociale, ku ai nuk ka nguruar t’u kthejë përgjigje.
Disa prej replikave dikur:
“Vetëm në stadium mos hajde kundër Spanjës të fitojmë, se po erdhe do e hamë si Kosova”, ka shkruar komentuesi.
“Jo, do vij, se po s’erdha do humbasim e do jesh ti tersi pastaj”, është përgjigjur Rama.
Ndërsa një tjetër tifoz i shkruan:
“Rama tersi i Shqipërisë edhe Kosova prej teje u rrah, në stadium nuk të duam ma asnjëherë sepse je i pavlerë”.
“Po kush po të pyet ty në fund të fundit”, i përgjigjej Rama.
