E kemi parë shpesh herë kryeministrin Edi Rama teksa ironizon lapsuset e kundërshtarëve politik, sidomos ato të Lulzim Bashës, por ditën e sotme, ai ka bërë vetë një të tillë.
Gjatë bisedës në podcast me modelen Emina Çunmulaj, kreu i qeverisë ka ngatërruar presidentët amerikanë, teksa citonte shprehjet e tyre, dhe nuk e kuptoi fare lapsusin që bëri.
Gjatë bashkëbisedimit, Rama dhe për rolin e “një qytetari të mirë” në demokraci, por ngatërroi autorin.
“Se njerëzit kujtojnë se të merresh me politikë, është të jesh vetëm politikan, është vetëm të jesh deputet, është vetëm të jesh i përzim drejtpërdrejt dhe përditë, jo! Të merresh me politikë është të jesh një qytetar i mirë. Se nuk e di cili prej presidentëve amerikanë, kam përshtypjen Ronald Reagan, thoshte nuk mjafton një njeri i mirë për të bërë një qytetar të mirë. Njeriu i mirë është për veten dhe njerëzit rreth tij, qytetari i mirë është edhe për jashtë pragut të shtëpisë, që thotë fjalën apo jep kontributin”, u shpreh ndër të tjera Edi Rama.
Kjo shprehje e cituar përafërsisht prej tij nuk është e Reagan, por e Theodore Roosevelt . “Një qytetar i mirë nuk është një qytetar i mirë nëse nuk është qytetar i angazhuar”, është shprehja origjinale e thënë nga Theodore Roosevelt, president i 26-të i Amerikës.
