Policia ka arrestuar tre të rinjë në Kukës ditën e sotme pasi u kapën duke vjedhur pajisje elektronike në një shkollë.
Autoritetet kanë bërë me dije se tre shtetasit banorë në Kukës me inicialet A.I 20-vjeç, M.B 18-vjeç dhe një 17-vjeçar, janë kapur në flagranc në tentaviën për vjedhje të pajisjeve elektronike në një shkollë 9-vjeçare.
Si rezultat i ndërhyrjes së menjëhershmë të Policisë Kukës, në kuadër të operacionit “Door”, tre shtetasit nuk kanë mundur ta finalizojnë vjedhjen.Tre të rinjtë janë vënë në pranga nga policia dhe aktualisht ndodhen në komisariatin e Kukësit.
Materialet proceduriale i kaluan prokurorisë për veprime të mëtejshme.
Njoftimi i Policisë Kukës
Finalizohet operacioni policor i koduar “Door”, për goditjen e veprimtarive kriminale në fushën e vjedhjeve.
Tentuan të vidhnin pajisje elektronike, gjatë natës, pasi thyen derën e një shkolle 9-vjeçare, në qytetin e Kukësit, falë ndërhyrjes së menjëhershme të Policisë, kapen në flagrancë dhe vihen në pranga 3 shtetas.
Falë informacioneve të siguruara nga inteligjenca policore, për një tentativë vjedhjeje në një shkollë 9-vjeçare, në qytetin e Kukësit, specialistët e Seksionit për Hetimin e Krimeve të Komisariatit të Policisë Kukës organizuan dhe finalizuan operacionin policor të koduar “Door”, si rezultat i të cilit u arrestuan shtetasit:
-A. I., 20 vjeç, M. B., 18 vjeç, si dhe një 17-vjeçar, të tre banues në Kukës.
Këta shtetas u kapën në flagrancë, pasi kishin thyer gjatë natës, derën e një shkolle 9-vjeçare, në Kukës, me qëllim vjedhjen e disa pajisjeve elektronike.
Si rezultat i ndërhyrjes së menjëhershme të shërbimeve të Policisë, në vendngjarje, këta shtetas nuk kanë mundur ta kryejnë vjedhjen.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.
