Deputeti demokrat Gazment Bardhi thotë se vendimi i sotëm i Kushtetueses që rrëzoi kërkesën e deputetëve demokratë është i ndikuar nga kryeministri Edi Rama dhe oligarkët.
“Asnjë surprizë! Vendimin e sotëm të Gjykatës Kushtetuese e ka shpallur Edi Rama më 15.12.2022, ku kërkoi nga GJK të mos lajthisë dhe e sfidoi hapur duke paralajmëruar moszbatimin e çdo vendimi të ndryshëm. Për fat të keq Gjykata Kushtetuese nuk i rezistoi dot presionit dhe shantazhit të Kryeministrit dhe oligarkëve të tij! VKM-ja që legalizon ndërtimet pa leje të oligarkëve është thelbi i qeverisjes së Edi Ramës: Burg për qytetarët e thjeshtë, amnisti dhe legalizim për oligarkët”, shkruan Bardhi në një postim në rrjetet sociale.
Lexo edhe:
Kushtetuesja rrëzon kërkesën për shfuqizimin e VKM-së për ndërtimet pa leje
