Mbledhja e dy qeverive mes Shqipërisë dhe Kosovës, e cila ishte planifikuar të mbahej këtë të mërkurën në Gjakovë u anullua një ditë më parë.
Kryeministri Rama deklaroi se arsyeja e anulimit ishte mos rënia dakord me homologun e tij Albin Kurti për ndryshimin e formatit, por mesaduket kryeministri kishte të tjera angazhime për ditën e sotme.
Po këtë të mërkurë krahas mbledhjes së parashikuar mes dy qeverive, u mbajt edhe ceremonia mortore e ish-kryeministrit Italian, Silvio Berlusconi. Në pamjet e pulikuara nga mediat italiane, shihet se në mesin e të pranishmëve ka qenë edhe kryeministri Edi Rama, i cili është ulur krahë liderëve të tjerë politikë.
Ndërkohë që Kosova zien nga tensionet, dhe situata sa vjen e përshkallëzohet, Rama ka zgjedhur të udhëtojë nga Shqipëria drejt Italisë, për të përcjellë në banesën e fundit, Berlusconin, duke bojkotuar kështu mbledhjen e planifikuar Shqipëri-Kosovë, dhe duke ja ‘faturuar’ fajin Kryeministrit Kurti.
Për ta cilësuar si dicka normale ‘arratisjen e tij’ nga mbledhja mes dy qeverive, Rama ka bërë edhe një reagim zyrtar lidhur me ceremoninë mortore të Berlusconit.
Përmes një postimi në rrjete sociale, Rama ka ndarë pamje nga ceremonia, teksa shkruan se sot iu dha lamtumira një personazhi që e jetoi jetën si deshi dhe e ktheu politikën në spektakël.
“Sot në lamtumirën e një personazhi që e jetoi jetën si një rrotullim i plotë i tokës rreth diellit, me të tëra shkallët e dritës dhe errësirës, duke prekur majat në botën e biznesit, spektaklit e sportit dhe duke e kthyer edhe politikën në një spektakël me në qendër vetveten. Një njeri që e deshi jetën me gjithsej, e jetoi me të gjitha ekzagjerimet e mundshme, e mishëroi me të gjitha dimensionet e qenies së tij të shumëfishtë, jetësim kulmor i shprehjes, “Edhe ëngjëlli edhe djalli rrinë bashkë tek i gjalli”…,- shkruan Rama në reagimin e tij.
