Ish-kryetari BDI në Maqedoninë e Veriut, Ali Ahmeti ka dënuar ashpër pengmarrjen e tre policëve kosovarë nga forcat serbe ditën e sotme.
Ai është shprehur i shqetësuar për situatën e tensionuar mes Kosovës dhe Serbisë duke theksuar se ka ardhur koha që të ndërmerren veprime për ruajtjen e paqes në rajon.
Politikani shqiptar tha se pala serbe duhet t’i ndalojë provokimet dhe të dyja palët duhet të nisin menjëherë dialogun për të ulur tensionet.
Ahmeti ka nënvizuar se Integeriteti dhe sovraniteti territorial i Kosovës është i paprekshëm dhe i garantuar nga faktori ndërkombëtar.
“Thellësisht i shqetësuar për situatën e tensionuar në raportet mes Kosovës dhe Serbisë.
Dënoj ashpër aktin e kidnapimit të policëve të Kosovës sot nga forcat speciale të Serbisë dhe pres lirimin e menjëhershëm të tyre.
Pala serbe duhet ti ndalojë provokimet menjëherë dhe të dyja palët të ulen urgjentisht në tavolinën e bisedimeve dhe me ndërmjetësimin e aleatëve tanë, bashkësisë euro-amerikane, t’i japin fund kontestit shumëvjeçar përmes njohjes së ndërsjelltë.
Integriteti dhe sovraniteti territorial i Kosovës është i paprekshëm dhe i garantuar nga faktori ndërkombëtar.
Tani është koha të ndërmerren veprime që të ruhet paqja, stabiliteti rajonal dhe perspektiva jonë europiane.”, shkruan Ali Ahmeti.
